Ajola Xoxa, bashkëshortja e kryetarit të Bashkisë së Tiranës, këtë të hënë ka ankimuar kontrollin e fundit të ushtruar nga agjentët e Byrosë Kombëtare të Hetimit, në një ambient në zonën e Bllokut, konkretisht në godinën Sky Tower.
Përmes avokatit të saj, Xoxa ka dorëzuar në shkallën e parë ankim, ku kundërshton kontrollin e datës 14 janar në një godinë të regjistruar si apartament, por që përdorej si magazinë për mbajtjen e sendeve personale.
Nga kontrolli i dytë i ushtruar me urdhër të SPAK për llogari të hetimeve që po kryen prokurori Ols Dado, agjentët sekuestruan disa sende, mes tyre materiale që pritet ti shërbejnë hetimit.
Më herët janë ushtruar kontrolle edhe në banesën e Arbër Veliajt, në zyrën e tij si dhe iu ushtrua kontroll personal Ajola Xoxës, ku me urdhër te organit të akuzës iu sekuestrua aparati celular.
Kontrollet u firmosën nga gjyqtarja Atalanta Zeqiraj. Për të dhënë shpjegime lidhur me këtë hetim, në SPAK janë paraqitur Erion Veliaj si dhe gruaja e tij Ajola Xoxa, ku u pyetën për rreth 5 orë nga prokurori Ols Dado.
Ndwrkohë hetimi ndaj kryebashkiakut Veliaj po ndiqet nga dy prokurorët Altin Dumani dhe Ols Dado e ndërsa më herët SPAK ka njoftuar se subjekti po hetohet për 4 vepra penale konkretisht korrupsion pasiv dhe aktiv, pastrim parash dhe fsheje pasurie.
Discussion about this post