Kryetarja e Komisionit Hetimor për Inceneratorët Jorida Tabaku i ka drejtuar një kërkesë për informacion, institucioneve SPAK, Këshillit të Ministrave, Ministrisë së Infrastrukturës dhe Energjisë, Ministrisë së Financave dhe Ekonomisë, deputetit Petrit Vasili dhe Agjencisë së Trajtimit të Koncesioneve, në lidhje me hetimet për inceneratorët dhe dokumentet që zotërojnë për këtë çështje.
SPAK-ut i drejtohet me 5 pyetje, ku kërkohet informacion se në çfazë janë hetimet për denoncimet të bëra nga Partia Demokratike, si dhe informacion për personat që janë nën hetim për këtë çështje që janë kryeministri Edi Rama, Arben Ahmetaj, Damian Gjiknuri, Lefter Koka, Alqi Bllako, Mirel Mërtiri, Klodian Zoto dhe Stela Gugallja.
Në kërkesa që u është drejtuar Këshillit të Ministrave, Ministrisë së Infrastrukturës dhe Energjisë, Ministria së Financave dhe Ekonomisë, kërkohet vënien në dispozicion të një informacioni të plotë dhe të detajuar lidhur me të gjitha hyrjet që rezultojnë nga regjistri i institucionit tuaj të shtetasve Mirel Mërtiri, Klodian Zoto dhe Stela Gugallja. Bashkëlidhur informacionit të vihen në dispozicion edhe kopje të faqes nga regjistri i hyrjeve të institucionit.
Kërkesë gjithashtu i është drejtuar edhe deputetit të LSI, Petrit Vasili, i cili i kërkohet që të vërë në dispozicion të çdo të dhënë, dokument apo informacion që dispononi lidhur me tre inceneratorët në Tiranë, Elbasan dhe Fier.
Gjithashtu kërkesë i është drejtuar edhe Agjencisë së Trajtimit të Koncesioneve, ku kërkohet vënia në dispozicion të praktikës së plotë, përfshirë shkresa, kërkesa, ankesa, njoftime, shpallje, procesverbale, korrespondenca, kopje të faqeve të protokollit, raporte dhe çdo dokument tjetër që disponohet nga ana e institucionit tuaj lidhur me tre inceneratorët.
Në kërkesën e Tabakut, afati për dërgimin e dokumentacionit të kërkuar është 5 ditë nga marrja e kësaj kërkese nga ana e institucioneve të lartpërmendura.
Discussion about this post