Ambasadori amerikan në Beograd, Chris Hill, është shprehur këtë të enjte, se Serbia dhe Amerika janë si dy miq që kanë ndarë rrugët e tyre në të shkuarën, por tani janë sërish bashkë, duke shtuar se “suksesi i Serbisë është në interes të SHBA-së”.
Kjo nuk është deklarata e parë zemërmirë e ambasadorit Hill ndaj serbëve, në kuadër të misionit që ai ka marrë përsipër për të larguar Beogradin nga Moska.
Në përvjetorin e së parës luftë humanitare në botë, ambasadori amerikan bëri një piruetë të fuqishme duke hedhur poshtë trashëgiminë e eprores së tij Madlen Ollbrajt dhe “mësuesit” të tij Richard Hollbruk.
Ai u kërkoi falje serbëve që patën humbur të afërmit e tyre gjatë bombardimeve. “U shpreh ngushëllimet e mia personale familjeve të atyre që e humbën jetën gjatë luftërave të viteve të nëntëdhjetë, përfshirë ato si rezultat i fushatës ajrore të NATO-s.
E di se populli serb nuk do ta harrojë kurrë atë kohë të tmerrshme dhe as që duhet (ta harrojë)”- shkroi në Twitter ambasadori amerikan në Beograd.
Discussion about this post