Edhe pse asnjëherë nuk i pëlqente të zbulonte detaje të jetës së tij private në publik, Lauda u tregoi një herë gazetarëve se në vitin 2005, Brigitte i shpëtoi jetën.
Lauda atëherë ishte në një lidhje me një stjuardesë 30 vjet më të vogël nga ai, e cila punonte në linjën e tij ajrore. Ajo atëherë ishte vetëm 26 vjeç. Ndonëse për një kohë të shkurtër ishin të dashuruar, ajo vendosi t’i dhurojë veshkën e saj.
Domethënë, transplantet e mëparshme të organeve dështuan. Në vitin 1997, vëllai i tij Floriani i dhuroi një veshkë, por trupi e refuzoi. Lauda zbuloi se djali i tij Lucas kishte bërë analiza, por rezultoi se ai nuk mund të ishte dhurues dhe më pas e dashura e tij Brigitte i ofroi ndihmë.
“Brigitte tha se do të testohej, kështu që e pyeta pse, dhe ajo tha sepse donte ta bënte këtë. Unë i thashë që ishim në një lidhje të shkurtër dhe se nuk doja që ajo të sakrifikonte aq shumë për mua. Megjithatë, ajo bëri analiza dhe veshka e saj ishte ideale për transplantim”,- zbuloi një herë Lauda.
Brigitte nuk u frikësua, ajo thjesht e bëri atë … “Po e bëj për ty, sepse të dua”, i tha stjuardesa e bukur. Pas disa muajsh përgatitjeje, Lauda u lut që transplanti të funksiononte, ai ishte i frikësuar për Brigitte, kështu që u qetësua që gjithçka shkoi mirë.
Në vitin 2008, Lauda dhe Brigitte u martuan në një ceremoni sekrete në Vjenë. Në dasmë morën pjesë vetëm miqtë më të afërt dhe familjarët. Në një martesë të lumtur, ku çift pati dy fëmijë, binjakët Mia dhe Max.
Austriaku legjendar, një nga figurat më të famshme në botën e motorsportit, fitoi tituj botëror për Ferrarin në 1975 dhe 1977 dhe për McLaren në 1984.
Shumë e kujtojnë atë pas aksidentit të pësuar për rikuperimin e tij të jashtëzakonshëm dhe rikthimin në pistë pas një aksidenti në Çmimin e Madh të Gjermanisë në vitin 1976.
Discussion about this post