Ish-talenti i Manchester Cityt, Shay Logan, ka një punë të pazakontë këto ditë, edhe pse është ende një lojtar aktiv në nivelin e ulët të futbollit skocez.
Logan (35) dikur ishte talenti i madh i Cityt. Ai kaloi akademinë e të rinjve në Manchester Cityt, dhe bëri debutimin e tij për ekipin e parë në 2009. Por më vonë gjërat ndryshuan.
Ai ndërroi shpesh klube dhe la gjurmë te gjigantët skocez të Aberdeen, ku kaloi shtatë vjet dhe luajti në kompeticionet europiane. Mirëpo gjërat nuk shkuan ashtu siç kishte planifikuar, kështu që ditët e fundit ka befasuar shumë me një punë të re.
Edhe pse është ende një futbollist aktiv dhe luan për skuadrën e ligës së ulët skoceze, Cove Rangers, Logan befasoi shumë me një postim në rrjetet sociale duke zbuluar se aktualisht është përgjegjës për ndriçimin në stadiumin Pittodrie.
Bëhet fjalë për stadiumin e Aberdeen, ku la gjurmën më të madhe gjatë karrierës së tij. Në atë stadium luante nën prozhektorët, ndërsa tani është në krye të funksionalitetit të tyre. Pikërisht për këtë bazohet edhe postimi i tij në rrjetet sociale.
“Duke performuar nën qendër të vëmendjes dhe duke bërë gjithçka për ta bërë atë të funksionojë,” shkroi Shay Logan krahas një videoje që ai i bëri vetë.
Ai përdori popullaritetin e tij në rrjetet sociale për të kërkuar një punë të re, ndaj Logan shpreson të gjejë një punë në industrinë e naftës. Ai më parë ka punuar si hidraulik, gjë që flet për shkathtësinë e këtij ish-mbrojtësi të talentuar.
Discussion about this post