Një tjetër sukses historik është shënuar për sportin kosovar.
Përfaqësuesja U18 e Kosovës në hendboll ka siguruar kualifikimin në Kampionatin Botëror që do të mbahet gjatë muajit gusht në Kinë.
Vajzat tona arritën që të mposhtin Nigerinë në ndeshjen që vendosi fatin e kualifikimit me rezultat 22:16.
Përballja mes hendbollisteve të Kosovës dhe atyre të Nigerisë u zhvillua sot (e diel) në qytetin e Tashkentit në Uzbekistan në kuadër të finales së IHF Trophy Intercontinental.
Ndeshja përfundoi me rezultat të ngushtë, mirëpo vetëmohimi i vajzave dardane në fund u shpërblye me fitore.
Me të përfunduar dueli reagim pati edhe nga Federata e Hendbollit të Kosovës (FHK) të cilët e cilësuan këtë arritje si sukses historik.
Discussion about this post