Është shpallur në kërkim 29- vjeçari i identifikuar me iniciale A.K., person i dyshimtë i cili qarkullonte me armë zjarri në qytetin e Sarandës.
Policia pas kërkimeve me dron ka gjetur në det armën e zjarrit pistoletë, që kishte me vete 29-vjecari, i cili e hodhi në det për të fshehur provat.
I riu “ i rrezikshëm” me iniciale A. K., qarkullonte me automjet, me armë zjarri me vete kanë organizuar punën për kapjen e tij.
Në lagjen Nr.1, Sarandë, shërbimet e Policisë kanë konstatuar automjetin me të cilin lëvizte 29-vjeçari dhe menjëherë i kanë bërë shenjë ndalimi. Drejtuesi i mjetit shtetasi A. K, nuk i është bindur urdhrit të Punonjësve të Policisë për të ndalur dhe ka vijuar me shpejtësi duke rrezikuar seriozisht jetën e punonjësve të policisë.
Drejtuesi i mjetit ka kryer manovra të rrezikshme në rrugë duke përplasur dhe një automjet tjetër dhe për të fshehur provat ka hedhur në det armën e zjarrit pistoletë që mbante me vete.
Shërbimet e Policisë kanë përdorur Dronin për të kontrolluar në det si dhe mjetet lundruese të Policisë Kuiftare. Pas skanimit nga droni në det, të vendit ku gjendej pistoleta është bërë e mundur nxjerrja dhe sekuestrimi i saj, së bashku me një karikator me municion lufatrak.
Vijon puna intensive për kapjen e A.K, dhe materialet i kaluan Prokurorisë për veprime të mëtejshme për veprat penale “Mbajtje pa leje e armëve dhe municioneve luftarake” dhe “Kundërshtim i punonjësit të rendit publik”.
Discussion about this post