Hollanda ka filluar t’i transferojë pacientët e sëmurë me COVID-19 në Gjermani, për të zvogëluar paksa presionin në spitalet e këtij vendi, që po luftojnë me numrin e madh të rasteve ditore me coronavirus.
Një pacient sot është dërguar me autoambulancë nga Roterdami në drejtim të spitalit të Bohumit, rreth 240 kilometra në lindje. Ndërsa gjatë ditës së nesërme do të dërgohet edhe një tjetër, kanë njoftuar autoritetet shëndetësore të këtij vendi.
Numri i pacientëve me COVID-19 nëpër spitalet e Holandës gjatë javëve të fundit ka arritur nivelin më të lartë që nga maji, kështu që ky numër pritet të rritet akoma duke shkuar në shifra rekord. Spitalet gjermane në total kanë ofruar 20 shtretër për pacientët nga Holanda, pasi që gjatë valës së kaluar të pandemisë ishin shëruar dhjetëra pacientë holandezë.
Planet e qeverisë holandeze për të ashpërsuar masat anti-COVID, kanë nxitur një sërë protestash ku mbi 170 persona u arrestuan pas përplasjeve të ashpra me policinë – duke i kundërshtuar masat e vëna.
Discussion about this post