Kampioni shqiptar i boksit Florian Marku dhe kundërshtari i tij meksikan Miguel Parra Ramirez, të cilët do luftojnë për titullin WBC Silver të enjten në “Air Albania”, kanë kryer sot peshimin zyrtar në sheshin ‘Skënderbej’, duke entuziazmuar të pranishmit.
Ndërkaq dhe “Air Albania” po i jepet dora e fundit për të pritur “titanin” shqiptarë. Nga videoja e siguruar nga Gijotina.com shihet qartazi që ringu është drejt përfundimit ndërkaq janë vendosur dhe karriget.
Rikthimin në Shqipëri, Marku e ka quajtur ‘homecoming’ për t’iu treguar bashkatdhetarëve se po vjen për ti gëzuar me fitore.
Kujtojmë që ditën e djeshme Edi Rama pas mbarimit të ceremonisë në nder të kampiones së Europës Luiza Geka, ka mirëpritur Florian Marku, në kryeministri.
Gjatë vizitës, kryeministrit nuk ngurroi t’i vishte dorezat që Marku i dhuroi dhe të bënte foto me kampionin.
“I nderuar nga vizita e një tjetër ylli të sportit shqiptar, superstarit të ringut Florian Marku, që pasnesër, të enjten 25 gusht, synon në Air Albania Arena gjerdanin e madh të kampionit të kategorisë sipërore ËBC, në një ndeshje për historinë e boksit botëror”, shkruan Rama.
Discussion about this post