Demokrati Lisandër Hoxha ka nisur mëngjesin e sotëm me akuza dhe paralajmërime ndaj Lulzim Bashës. Përmes një postimi në rrjetin social Facebook, Hoxha akuzon Bashën se u tall me votimi pro eurobondit. Sipas tij, kjo ishte një tjetër lojë mes Bashës dhe Ramës, por do të marrë fund shumë shpejt.
Sipas Hoxhës, data 11 dhjetor, kur do të ngrihet Kuvendi i PD, do të jetë dita që nxjerrë PD nga oligarkët.
“Rreth 2 orë bëri sikur kundërshtonte me forcë borxhin prej 700 mln euro që Qeveria po merr për të financuar PPP! Kur erdhi momenti i votimit, lista Basha votoi abstenim. Kjo hipokrizi ndaj demokrateve dhe shqiptareve ka vetëm një kuptim: stabilokraci. Vidhni dhe talluni me njerëzit edhe për pak ditë, pasi, me 11 Dhjetor, merr fund SHPK PD-PS. Do e nxjerrim Partinë Demokratike nga xhepat e Kryeministrit dhe portofolat e oligarkëve”, shkruan ai.
Hoxha ka qenë një nga kritikët më të mëdhenj të Bashës dhe përkrahës i Berishës.
