Zhvillimi i tenderëve të paspecifikuar, por me miliona euro janë specialitet i kreut të Fondit Shqiptar të Zhvillimit, Dritan Agolli. Pasi mbarojë me programin abuziv ‘100 fshatrat’ nga i cili nuk pamë askund investime dhe përmirësim në turizëm, Agolli i është rikthyer të njëjtit marifet, por me një objekt ndryshe. Bëhet fjalë për tenderin me objekt ‘Ndërhyrje për rehabilitim dhe transformim mjedisor, peizazhit urban dhe natyror, etje Unifikimi i gardheve në zona bregdetare, rehabilitim mjedisor dhe pika panoramike’.
Po ju sqarojmë fillimisht se bëhet fjalë për sistemim lulishtes, koshash mbeturinash, apo ndonjë muri rrethues, të kanalizimeve në zonat bregdetare. Si dhe për rikonstruktim të portave, të mureve rrethuese në zonat historike si Berat, Shkodër e të tjerë.
Pasi sipas dokumentit, do të bëhet ndërhyrje në 12 qarqet.
Gjithsesi fotot më poshtë tregojnë që bëhet fjalë vetëm për riparime fasadash, edhe pse shumë ndërtesa historikë kanë patur nevojë për mirëmbajte të vazhdueshme që të mos degradonin në gjendjen aktuale.
Kontratë pa garë
Dhe për këto sistemime Agolli do të nxjerrë nga Thesari i Shtetit 1.4 milionë euro. Janë shumë para, sidomos kur nuk specifikohet se ku do të ndërhyhet konkretisht, sa ambiente kanë nevojë për rikonstruktim dhe sa ditë pune do të shpenzohet për secilën. Edhe pse me mendjen e tij Agolli ka parashikuar që kontratat të zgjasë për 2 vjet.
Pasi kishte hartuar këto detaje sipas interesit të tij, edhe gara ashtu u mbyll me shkelje dhe interesa personale.
Në fakt nuk kishte fare një garë edhe pse fillimisht dorëzuan oferta 12 kompani. Mjaftueshëm për të proceduar sipas rregullave të Prokurimeve Publike, por Agolli nuk ka dashur të humbasë kohë.
Agolli ka skualifikuar 11 ofertat e tjera në fazat paraprake, duke i vlerësuar ato me 2 apo 3 pikë më pak për shkak se kishin mungesë të ndonjë dokumentacioni.
Që këtu kanë nisur manipulimet, duke u vulosur me dhënien e kontratës firmës “BEAN” sh.p.k e cila nuk kishte ndonjë nga ofertat më të lira, as nuk kishte diference të dukshme pikësh. Por, përballë saj Agolli nuk la asnjë konkurrent e kështu duke shkelur rregullat ja bëri kontratë dhuratën. Shpresojmë që Arben Sadushit i mësuar me përkëdhelje të tilla të bëjë si duhet punën e lyerjeve të gurëve dhe sistemit të gardheve, jo siç bëri më konviktet në vitin 2019.
Në janar të vitit 2019 kompania e familjes Sadushi, e cila iu bashkua nismës “Adopto një konvikt”, përmes së cilës, bashkia synon deri në verë të ndërhyjë fillimisht në mjediset e përbashkëta të godinave dhe më pas edhe nëpër dhoma.
Në të vërtete gjithçka u bë me ndonjë qindarkë të parave që Sadushi ka përfituar ndër vite me tenderë abuzivë. Gjithsesi, për t’i treguar se është mik i Rilinjdes dhe aferat do vazhdojnë, kreu i Bashkisë së Tiranës, Erion Veliaj i dorëzoi në shenjë vlerësimi Arben Sadushit “Medaljen e Mirënjohjes”.
Ndërsa theksojmë këtu se konviktet iu nënshkruan një tjetër rikonstruktimi pas viti 2019, me fondet e Rindërtimit pas tërmetit të nëntorit. Epo kështu është mësuar të punojë Sadushi me lekë e lëvdata shumë, por pak punë e investime. Prandaj edhe Agolli e ka përzgjedhur të preferuarin e tij në këtë projekt gjigand.
©️Copyright Gijotina.com
Ky artikull është ekskluziv i Gijotina.com, gëzon të drejtën e autorësisë sipas Ligjit Nr. 35/2016, “Për të drejtat e autorit dhe të drejtat e lidhura me to”. Shkrimi mund të ripublikohet nga mediat e tjera vetëm duke cituar Gijotina.com dhe në fund të vendoset linku i burimit, në të kundërt çdo shkelës do të mbajë përgjegjësi sipas Nenit 178 të Ligjit Nr/ 35/2016.
Discussion about this post