Humb jetën në aksident blogeri i njohur

Një bloger i njohur që njihej në Francë për testimin e makinave ka humbur jetën në një aksident automobilistik.

Jean-Bapstiste Dessort, 37 vjeç, humbi jetën në një aksident që ndodhi në qytetin Val-de-Virvée në Gironde.

Dessort njihej si një Youtuber me 59,000 abonentë në kanalin e tij “Le Billet Auto”.

Sipas mediave franceze, 37-vjeçari ka përplasur makinën elektrike në një pemë, ndërsa raportet sugjerojnë se ai mund të jetë hedhur nga automjeti.

Makina IX me emetim zero është djegur plotësisht, ndërsa në vendngjarje ka mbërritur forca e zjarrfikëses, e cila ka gjetur të vdekur Jean-Bapstiste Dessort, pak metra larg makinës.