“Humba drogën e mafiozëve, dua azil”, kërkesa e çuditshme e shqiptarit për Spanjën

Një shqiptar i ka bërë një kërkesë të çuditshme shtetit spanjoll. Ai ka kërkuar azil për shkak se ka frikë që në Shqipëri mund ta vrasin.

Ideal.es shkruan se shqiptari ishte ngatërruar  në Suedi me një mafioz nga Shqipëria. Sipas dëshmisë së tij, gangsterët e kishin kërcënuar, sepse besonin se ai u kishte shkaktuar atyre 35 mijë euro duke dështuar në një operacion të trafikut të drogës në tokat skandinave.

“Kështu që nuk mund të kthehesha në Shqipëri,” mësohet të ketë thënë shqiptari. Sipas mediave spanjolle, shqiptari ka frikë të kthehet në Shqipëri. Megjithatë kërkesa e tij për azil është refuzuar nga autoritetet spanjolle, pasi nuk përmbush kërkesat ligjore. Magjistratët shpjegojnë se pretendimet e burrit për t’u njohur si refugjat nuk kanë asnjë lidhje me ligjin. Nuk ka “arsye humanitare për të lejuar që shtetasi shqiptar të qëndrojë në Spanjë, arsyet e përmendura kanë të bëjnë me krimin e përbashkët dhe krimin e organizuar,” detajon Gjykata Kombëtare.