Forcat zjarrfikëse në Gjakovë kanë bërë të mundur nxjerrjen e trupave të dy fëmijëve që humbën jetën pasi flakët e zjarrit i dogjën shtëpinë.
Ngjarja ndodhi ditën e sotme, ku të miturit, djem të moshës 12 dhe 13-vjeçare, ndërruan jetë, ndërsa të lënduar kanë mbetur dhe tre familjarë të tjerë.
Dy fëmijët e vegjël ishin kushërinj dhe po flinin në katin e dytë të shtëpisë e cila u shkrumbua nga zjarr që “shpërtheu” për arsye ende të paditura. Policia ndodhet në vendngjarje për të punuar dhe zbardhur rrethanat e këtij incidenti tragjik.
