Është gjetur pas dy vitesh Etleva Biçaku, e cila humbi kontaktet me familjarët e saj rreth dy vite më parë. Gjetja e saj u bë e mundur përmes emisionit “Me zemër të hapur”. Biçaku aktualisht ndodhet në komisariatin e Fierit.
Etleva Biçaku vuante nga probleme të shëndetin mendor dhe është larguar nga shtëpia pa lënë gjurmë në 29 janar 2021.
Sipas familjarëve, ajo është larguar rreth orës 7 të mëngjesit, të premten e 29 janarit 2021, në Lushnjë. Etleva ishte ndarë nga një martesë 6 vite më parë dhe që atëherë ka vuajtur me depresioni, madje ka qenë e shtruar në spitalin e Elbasanit.
Elmaz Biçaku, vëllai i Etlevës tregonte se gjendja e saj shëndetësore ishte përkeqësuar ditët e fundit. “Kohët e fundit nuk merrte mjekimin rregullisht, nuk hante, i iku oreksi. Ishte e mbyllur në vetvete. Ka 6-7 vite me probleme, është shtruar 2 3 herë në Elbasan. Atje përmirësohej dhe e merrnim në shtëpi, me shpresën që Etleva do e merrte veten”.
Babai thoshte në atë kohë se Etleva ka dalë nga shtëpia vetëm me rrobat e trupit. Ka veshur rroba më të mira se ditët e tjera. Një xhup ngjyrë vishnje(ai që shihni në foto), pantallona xhins dhe atlete.
Familjarët bëjnë apel nëse dikush e ka parë t’i kontaktojë. Po ashtu ata kërkojnë që grupet e hetimit të kërkojnë në lumin Shkumbin, që ndodhet pranë shtëpisë pasi dyshojnë se ajo mund të jetë mbytur në lumë.
Discussion about this post