Aventura e Robin Gosens, te Interi i Milanos, mund të cilësohet pa frikë si një dështim absolut.
Gjermani pritej që të ishte zëvendësuesi i Ivan Perisic, në krahun e majtë të mesfushës, megjithatë, shpërthimi i Dimarcos, dëmtimet si dhe planet e trajnerit Inzaghi, të cilat nuk e shihnin atë si protagonist, bënë që Robin të ishte maksimumi një zgjedhje e dytë për klubin zikaltër.
Mungesa e aktivizimit të shpeshtë, bëri që ish-lojtari i Atalantës, të mos ishte më pjesë e grumbullimeve të kombëtares së tij, Gjermanisë.
Mirëpo, tani është zyrtarizuar afrimi i tij te Union Berlin, me klubin e Bundesligës gjermane, që e kërkoi me ngulm, për ta pasur në ekip.
Tashmë që është rikthyer në vendlindje, Gosens do ketë mundësinë që të rifitojë vendin në kombëtare, sidomos prej faktit që Europiani, zhvillohet në Gjermani. Me Unionin do të ketë gjithashtu, mundësi që të luajë dhe në UEFA Champions League.
https://www.facebook.com/fabrizioromanoherewego/posts/pfbid077bCRspzZbcBTtCubJc8aEtdtH3XoGHL5i5QUJvb6BC51GZKwS84nAVYgqiJWVGLl?__cft__[0]=AZXqwdVZLWE57LCr2bJ1RSOB0FohwQj3hxvOcIVT4jagt6VD9vZ5BrbNS9U38FxLK1pgyKgEE3M3lpyjNvNI7B0lxblobkH9nHLKpb_byuHDga15CK7hN3FwpvDapGuGMWLg5fMwyodTu_qltLqGNbobN2hcgXlnzbWe7GfoHf57XK3z5tzfIUdMRPAdoTxbUjY&__tn__=%2CO%2CP-R
Discussion about this post