Egnatia humbi ndeshjen e sotme përballë Skënderbeut duke shënuar kështu humbjen e parë për Zekirija Ramadanin si trajner i rrogozhinasve. Pas ndeshjes ai është shprehur se ndryshoi stilin e lojës, edhe pse e dinte se po rrezikonte.
“Kishim vetëm dy stërvitje për këtë takim, kështu që duhet të jemi të kënaqur me angazhimin. E dinim se do rrezikonim, por ndryshuam stilin dhe mënyrën e lojës.
Na mërzit rezultati, duhet të kishim dalë me një pikë. Do të bëjmë analizën e ndeshjes dhe do të përmirësojmë gabimet, që vijnë edhe nga presioni i kundërshtarit”, tha Ramadani.
“Ndryshuam stilin, mendoj se kam shpresë për të ardhmen e ekipit. Nuk do isha futur në këtë rrezikshmëri të madhe po të mos besoja tek ekipi. Jam i bindur që mund të nxjerrim më tepër nga 3 ndeshjet e mbetura. Është herët, por do të flasim edhe për përforcime”, deklaroi trajneri maqedonas.
“E pëlqej rrezikshmërinë, e dija se ku futem, e njoh Superioren. Adrenalina ekziston, dua të provoj veten edhe njëherë në kampionatin shqiptar. Kam besim te puna, te mbështetja e drejtuesve, dhe më e rëndësishmja, te kontingjenti i ekipit.
Mendoj se do arrihet objektivi i mbijetesës. Duhet të japim maksimumin. Nëse marrim pikë, rritet edhe oreksi, por na duhen pikë për të rikthyer besimin tek ekipi dhe drejtuesit. Egnatia ka kualitet.
Çdo skuadër që ka 3-4 futbollistë të dëmtuar, e ka të vështirë. Shpresoj të rikthehen, të kemi një konkurrencë të fortë dhe të shohim se çfarë mund të arrijmë”, ka thënë trajneri pas ndeshjes.
Discussion about this post