Kapiteni i Manchester United, Bruno Fernandez i ka bërë thirrje portierit Onana të ndalojë së fajësuari veten e tij. Mbrëmë Manchester u mund 4-3 ndaj Bayern në ndeshjen e parë për këtë edicion të Champions League.
Ekipi i Ten Hag, në disa momente gjatë sfidës, bëri paraqitje të mirë duke rivalizuar me favoritët e Bayern. Por në golin e parë të vendasve, një top i ulët i Sane u lejua gabimisht nga Onana të futej në rrjetë.
Pas ndeshjes kamerunasi mori përsipër të gjithë fajin për humbjen, duke u shprehur se ishte gafa e tij, që i kushtoi Manchester United disfatën në Gjermani.
Mirëpo kapiteni Fernandez tha më pas se: “Nuk është faji i Andre. Ai është një portier i madh. Ai do të vazhdojë të na japë shumë pikë dhe do të bëjë shumë pritje. Nuk ka pse ta marrë fajin për vete. Duhet ta marrim fajin si ekip, duhet të kalojmë përmes këtij momenti se bashku sepse jemi një ekip i fortë”, u shpreh Fernandez.
Discussion about this post