Humbja e thellë e opozitës, Flutura Açka: Fajtorët të ikin në shtëpi

Deputetja demokrate Flutura Açka ka reaguar pas disfatës së opzoites në zgjedhjet e 14 majit, ku deri tani ka fituar vetëm në 6 bashki të vendit. Në një reagim në rrjete sociale, Açka shkruan se fajtorët duhet të ikin në shtëpi dhe jo të kërkojnë alibi.

Në formë ironie ajo thot se opozita nuk fitoi por “helenizoi” Himarën dhe Tropojën e detyruan të kërcejë tallava.

Postimi:

“E trishtueshme për ne: humbësat dhe babadumsat. Tani fajtorët të ikin në shtëpi, jo të kërkojnë alibi. Jo Shqipërinë nuk e fituam, por Himarën e “helenizuam” dhe Tropojën të kërcejë tallava e detyruam. Pjesë e humbjes sonë janë edhe showman-ët dhe show-woman-et e mbrëmjeve tona politike, që i ngopën të djathtët me rrenën e madhe të rilindjes blu nëpër ekranet bujare me para e pabesi të dhuruara nga banda mavi. Keni moral të flisni ende ju për demokraci?!”