Ditën e djeshme është zhvilluar ndeshja finale e “Play-Off-it” mes Leccos dhe Foggias, ku vetëm njëra prej dy skuadrave kishte mundësinë për t’u ngjitur në Serinë B italiane.
Skuadra e Leccos fitoi, aty ku protagonist ishte mesfushori shqiptar, Erald Lakti që shënoi golin e dytë në fitoren 3-1.
Pas ndeshjes, makina e kapitenit të Foggias, Davide de Paskale është dëmtuar pasi në drejtim të saj ka pasur të shtëna me armë zjarri.
Fatmirësisht, ka pasur vetëm dëme materiale duke qenë se kapiteni nuk ishte në makinë, ndërkohë që vetë tifogrupi i organizuar i Foggias ka reaguar.
Ata janë distancuar nga ky akt, duke e konsideruar të shëmtuar dhe i kanë kërkuar autoriteteve që të zbardhin ngjarjen.
Pavarësisht humbjes, në përfundim të ndeshjes tifozeria e Foggias e përshëndeti skuadrën me duartrokitje, duke i dhënë mbështetje deri në fund.
Discussion about this post