Pas një fillim sezoni shumë pozitiv, skuadra e Tiranës pësoi dy disfata të njëpasnjëshme, e para në eliminimin nga Kupa e Shqipërisë prej Dinamos dhe e dyta humbja ndaj Kukësit në javën e 9 të Superligës.
Duke folur në konferencën në prag të ndeshjes me Skënderbeun, e vlefshme për raundin e 10 të kampionatit, mbrojtësi i majtë i ‘Bardhebluve’ të kryeqytetit, Marsel Ismajlgeci theksoi se në rezultatet e fundit ndikoi lodhja dhe mungesa e fokusimit të mjaftueshëm.
“Ndikoi lodhja në kupë, ata ishin më të fokusuar se ne”.-u shpreh ai shkurtimisht.
Më tej lojtari foli edhe për periudhën e dëmtimeve që e la për një kohë të gjatë jashtë fushës së blertë.
“I kam kaluar të gjitha problemet dhe jam gati të jap maksimumin tim”,-theksoi mbrojtësi i Kombëtares U-21.
Tirana do të ndeshet në transfertë me Skënderbeun të shtunën në orën 16:45, nga ky kryeqytetasit do të tentojë të forcojnë pozicionin e parë në tabelën e Superligës./K.T/Gijotina.com
Discussion about this post