Hygerta Meta ka marrë përsipër autorësinë e vrasjes së babait të saj, Pëllumb Meta.
Para gjykatës, 19-vjeçarja deklaroi se është penduar, por tha se ishte e detyruar.
“Mendova t’ia lija vëllait fajin. Vëllai ka qenë në Itali dhe ishte kthyer pak ditë para ngjarjes. Në dhjetor me tha të fejohesh, i thashë jo. Nga refuzimi që i bëra, mendova se do të më vriste. Ka prishur bombolen e gazit me qëllim që të më vriste mua. Por unë nuk gatuaja më te bombola gazit, nga frika, gatuaja me korent. Një herë e goditi nënën në zemër dhe e la pa frymë. Na kërcënonte vazhdimisht, do t’u vras, do t’u zhduk.
Me mamanë ka pasur konflikte me dhune dhe e ka goditur, e ka goditur edhe pa mendje, e ka lënë pa frymë. Kisha frikë ta denoncoja. Mund të na vriste ai ose njerëz te fisit të tij. Babai na ka thënë do ju vras. Nëse rrini, do ju vras. Edhe nëse ikni do ju vras. Nuk kemi pasur ku te shkojmë.
Dy ditë para ngjarjes e refuzova sërish për fejesën. Erdhi babi nga puna, hengri drekën dhe ishte shtrirë. Mora armën që ndodhej në dhomën paralel. Ishte te dhoma gjumit, në sirtar. I thashë; çohu në këmbë, më tha ik. Jam penduar që e kam bërë këtë veprim, por isha e detyruar”, u shpreh ajo.
Discussion about this post