Këshilli i Lartë Gjyqësor ka zgjedhur sot kreun e ri të Gjykatës së Tiranës. Sipas burimeve, me vota unanime Flamur Kapllani është zgjedhur si drejtuesi më i ri i Gjykatës së Tiranës.
Në vitet 1997-2000 Kapplani ka qenë Nd/gjyqtar i Gjykatës së Rrethit Gjyqësor Skrapar. Më pas në vitet 2000-2007 Gjyqtar në Gjykatën e Rrethit Gjyqësor Mirditë. Gjatë periudhës 2007 -2010 Gjyqtar në Gjykatën e Rrethit Gjyqësor Kukës. Prej vitit 2008 -2010 Kryetar në Gjykatën e Rrethit Gjyqësor Kukës. Së fundmi nga 01.04.2010 Gjyqtar në Gjykatën e Rrethit Gjyqësor Tiranë. Në këtë periudhë Kapllani është vënë nën hetim dhe akuzohet për shpërdorim detyre me vendimet gjyqësore që ka dhënë në kundërshtim flagrant me ligjin.
Elementë të veprës penale, shpërdorim detyre, janë konstatuar pas verifikimeve paraprake që ka bërë Prokuroria e Posaçme kundër Korrupsionit dhe Krimit të Organizuar. Gjyqtari, i njohur nga publiku për arsimin e mangët profesional ka dhënë një vendim tërësisht abuziv, të pambështetur në ligj dhe në aktet e marrëveshjeve tregtare në lidhje me aksionet e kompanisë mediatike Digitalb.
Kjo marrëveshje përjashtonte gjykatat shqiptare në rast mosmarrëveshjes mes palëve. Këto të fundit kishin rënë dakord me shkrim se çdo çështje do zgjidhej nga gjykata e arbitrazhit në Vjenë. Por gjyqtari Flamur Kapllani nuk e mori parasysh këtë pjesë duke thënë një vendim tërësisht flagrant, vendim tek i cili SPAK ka gjetur elementët e shpërdorimit të detyrës. Ndaj gjyqtarit më 3 shkurt ka bërë padi në SPAK kompania Loresa Sh.p.k dhe pak ditë më vonë ka ardhur edhe përgjigjja e prokurorisë së posaçme.
Discussion about this post