Gjykata e Apelit Tiranë i ka caktuar masën e sigurisë “Arrest në burg” dhe e ka dënuar me 16 vjet burgim, 43-vjeçarin, pas hetimeve për vrasjen e shtetasit Alban Kaloshi, të kryer në vitin 2017.
Viktor (Xhevahir) Elezi është arrestuar nga policia e Dibrës, pasi akuzohet për ‘vrasje me dashje’ të Alban Kaloshit.
Viktor Elezi dyshohet si autori i vrasjes, ndërsa Veli Titini, si person që ka marrë pjesë në vrasje. Grupi hetimor arriti në këtë përfundim pas pamjeve të sekuestruara ku shihen dy të arrestuarit duke u larguar me makinë nga qendra e qytetit për në periferi, pak pasi kishin lënë në hyrjen e spitalit 42-vjeçarin Koloshi të qëlluar me pistoletë.
Shërbimet e Drejtorisë Vendore të Policisë Dibër ekzekutuan masën e sigurisë “Arrest në burg”, për shtetasin V. (Xh.) E., 43 vjeç, banues në fshatin Pollazhan, Dibër.
Gjykata e Apelit Tiranë i ka caktuar këtë masë sigurie dhe e ka dënuar me 16 vjet burg, 43-vjeçarin, pas hetimeve për vrasjen e shtetasit A. K., të kryer në vitin 2017.’- njofton policia.
Discussion about this post