Një oficere shqiptare e sapo rekrutuar në New York, e cila u bë virale në fillim të këtij muaji pas një videoje të saj duke kërcyer në prehër një oficeri, i ka kërkuar falje gruas së këtij të fundit. Vera Mekuli i ka kërkuar falje gruas së togerit, të identifikuar si Nick McGarry për kërcimin në prehër, duke thënë se nuk është ka dalë më nga shtëpia që kur video u bë kryefjala.
“Dua t’i kërkoj falje gruas së togerit, më falni vërtetë. Shpresoj që të mos ketë shkaktuar shumë dëme në martesë apo në jetën tuaj personale. E di që ka qenë e ashpër. Nuk ishte menduar të ishte kështu, unë me të vërtetë nuk isha në dijeni për martesën tuaj.”
Ajo gjithashtu pretendon se reagimi ndaj historisë ka qenë i shoqëruar me gjuhë urrejtjeje me bazë gjinore dhe shton se reagimi nuk do të kishte qenë i njëjtë nëse ajo do të ishte burrë. Ajo pretendon se nëse do të ishte mashkull, çështja do të ishte trajtuar ndryshe dhe reagimi do të ishte me nota shakaje.
Discussion about this post