Babai i lojtarit në fjalë ka qënë një nga sulmuesit më të rrezikshëm për ato pak vite që ishte në kulmin e tij duke u bërë një idhull për shumë tifozë të Interit e të kombëtares braziliane me goditjet e tij që “thyenin portat kundërshtare”. Tashmë, ai vetë do kërkojë t’i afrohet e pse jo t’ia kalojë të atit.
Adriano Carvalho Ribeiro, 16 vjeç , një sulmues si babai i tij Adriano Leite Ribeiro (i njohur ndryshe me nofkën “Perandori”), ka nënshkruar kontratën e tij të parë profesionale me klubin modest të futbollit Serrano të Brazilit.
Ai ka firmosur deri në fund të vitit 2026 dhe është kontrata e tij e parë profesionale, pavarësisht se më parë ka qenë në radhët e të rinjve të klubeve prestigjioze si Gremio.
Në të kaluarën, konkretisht në vitin 2016, ai ishte ‘lidhur’ me Barcelonën… kur stërvitej në FCB Escola në Rio de Zhaneiro.
“Lidhja e futbollistit 16-vjeçar me klubin do të zgjasë deri në dhjetor 2026.
Adriano mbërriti në bazën Leão da Serra në gjysmën e parë të 2022, pasi kishte kaluar nëpër Grêmio FBPA dhe Boavista SC.
Duke mbrojtur ngjyrat e Petrópolis, qendërsulmuesi ka shënuar 20 gola marramendës në 27 ndeshje të luajtura në ligat e të rinjve.
Discussion about this post