Dortmund arriti një fitore 3-1 në tranfertë ndaj Milanit, që rrezikon të mbetet janë 1/16 në Champions League.
Kuqezinjtë patën shansin për të kaluar në avantazh, por Giroud dështoi të kthente në gol një 11 metërsh, në minutën e 6-të të sfidës.
Katër minuta më vonë nga pika e bardhë për gjermanët realizoi Marco Reus.
Pavarësisht disavantazhit Milani këmbënguli për të gjetur golin e barazimit dhe më i miri në fushë në pjesën e parë, Chukwueze e gjeti atë në një aksion të mrekullueshëm personal, në minutën e 37-të.
Pjesa e parë u mbyll në barazim 1-1.
Historia ndryshoi në pjesën e dytë të sfidës, ku Dortumnd heshti “San Siron” me golin e avantazhit të shënuar në të 59-ën nga Bynoe-Gittens.
Dhjetë minuta më vonë goditjen përfundimtare Milani e mori nga Karim Adeyemi, i cili gjeti golin pak minuta pas zëvendësoi Malen, që la fushën i dëmtuar.
21-vjeçari, i njohur në Shqipëri pas lidhjes së dashurisë që nisi me këngëtaren shqiptare Loredana Zefi, shënoi një gol të bukur nga jashtë zone, duke lënë të shtangur portierin Maignan, shkruan A2Cnn.
Pas kësaj fitoreje me tregolësh në Milano, gjermanët kryesojnë grupin F me 10 pikë.
Kuqezinjtë e Piolit mbeten në vendin e fundit me 5 pikë dhe do të luajnë gjithçka në sfidën e fundit me anglezët e Newcastle.
Discussion about this post