Lulëzim Sinaj, 40-vjeç është arrestuar në SHBA dhe është ekstraduar drejt vendit tonë pasi ishte shpallur në kërkim për një plagosje të dyfishtë të ndodhur disa vite më parë në Ballsh.
Policia bën me dije se ai është arrestuar në Washington dhe më pas edhe në koordinim me ambasadën e SHBA në vendin tonë është bërë ekstradimi i tij drejt Shqipërisë.
Në Mars të vitit 2017, ai plagosi rëndë me armë zjarri prindërit e ish-bashkëshortes së tij, Edmond e Ludmilla Xhaferraj, përkatësisht 53 dhe 52 vjeç. Ai fajësonte ish-vjehrrit për ndarjen nga ish-gruaja dhe kjo ishte bërë shkak për konflikte të vazhdueshme mes tyre.
Njoftimi:
Falë bashkëpunimit dhe shkëmbimit të informacionit ndërmjet Interpol Tirana dhe Interpol Washington, USA, në koordinim nga DSS në ambasadën e SHBA-së në Tiranë, u bë e mundur kapja në SHBA dhe ekstradimi drejt Shqipërisë, i një shtetasi të dënuar me 25 vjet burgim.
Në vijim të bashkëpunimit me homologët, nga specialistët e Interpol Tirana u bë ekstradimi nga New York, USA, drejt vendit tonë, i shtetasit shqiptar Lulëzim Sinaj, 40 vjeç.
Ky shtetas ishte shpallur në kërkim ndërkombëtar, pasi Gjykata e Rrethit Giyqësor Fier, në vitin 2021, e ka dënuar me 25 vjet burgim, për veprat penale “Vrasja në rrethana të tjera cilësuese”, kundër dy ose më shumë personave, mbetur në tentativë, dhe “Prodhimi dhe mbajtja pa leje e armëve luftarake dhe e municionit”.
Përmbledhje e ngjarjes së ndodhur:
Më datë 12.03.2017, në Ballsh, shtetasi Lulëzim Sinaj ka plagosur rëndë, me armë zjarri, shtetasit E. Xh. dhe L. Xh. (prindërit e ish-bashkëshortes së tij).
Si rezultat i bashkëpunimit mes Interpol Tirana, Interpol Washington dhe DSS në ambasadën e SHBA-së në Tiranë, u bë i mundur arrestimi i këtij shtetasi, në Shtetet e Bashkuara të Amerikës, duke u finalizuar me ekstradimin drej vendit tonë.
Falënderojmë ambasadën e SHBA-së në Tiranë, për koordinimin dhe ndërlidhjen mes Interpol Tirana dhe agjencive ligjzbatuese përgjegjëse në Shtetet e Bashkuara të Amerikës.
Lexo edhe: “SHBA nuk na ka asnjë borxh”, Basha: Na çliruan nga komunizmi
Discussion about this post