Një tjetër person në kërkim ndërkombëtar ka rënë në prangat e policisë. Mësohet se Julian Mandija është arrestuar me qëllim ekstradimin drejt Italisë, pasi rezulton i dënuar për veprën penale “Trafikimi i lëndëve narkotike”.
Strukturat e Drejtorisë Vendore të Policisë Durrës, si rezultat i shkëmbimit të vazhdueshëm të informacioneve mes Interpol Tirana, bënë të mundur kapjen dhe arrestimin me qëllim ekstradimin drejt Italisë të 42-vjeçarit, banues në Durrës.
Mandija ishte shpallur në kërkim ndërkombëtar, pasi Gjykata e Apelit në Aquila/Itali e ka dënuar me 7 vjet e 4 muaj burg për veprën penale “Trafikimi i lëndëve narkotike”, parashikuar nga Kodi Penal italian. Interpol Tirana, në bashkëpunim me Interpol Romën, vijon procedurat për ekstradimin e këtij shtetasi drejt Italisë.
