I dënuar me burgim të përjetshëm, shqiptari dhunon gardianët e burgut në Britani

Shqiptari Koçi Selamaj, 36 vjeç, është dënuar me burgim të përjetshëm pas vrasjes së mësueses Sabina Nessa në Mbretërinë e Bashkuar.

Sipas mediave të huaja, Selamaj ka sulmuar dy oficerë në burgun Frankland, ku po vuan dënimin.

Selamaj tani është dënuar me katër vite e gjysmë të tjera pasi pranoi se kishte plagosur një oficer me dashje dhe kishte sulmuar një tjetër, duke i shkaktuar lëndime të vërteta trupore.

Stafi i burgut dëgjoi zhurma që vinin nga qelia e shqiptarit. Kur shkuan për të kontrolluar se çfarë po ndodhte, ata panë se tualeti i ti ishte shkatërruar.

Më pas, shqiptari goditi me një copë tualeti të thyer një oficer duke i shkaktuar një plagë në gju dhe në parakrah, përpara se të godiste të dytin dy ose tre herë në fytyrë.

Vrasja

Sabina po shkonte në një pijetore në Kidbrooke, Londra Juglindore, për të takuar një mik të vjetër. Shqiptari kontrolloi përreth për tu siguruar se askush nuk po e shikonte, përpara se të fillonte të vraponte pas Sabinës së tmerruar më 17 shtator.

Selamaj u hodh mbi të dhe e goditi 34 herë me një armë metalike prej 2 metrash. Më pas ai u filmua duke e çuar atë pa ndjenja në errësirë.

Dyshohet se krimi nga ndodhur për motive seksuale.

Trupi i Sabinës u gjet nga një shëtitës qeni i mbuluar me gjethe pranë qendrës së komunitetit OpenSpace të nesërmen, vetëm 200 metra larg shtëpisë së saj.