Autoritetet policore franceze kanë arrestuar një person të shpallur në kërkim nga drejtësia shqiptare i dënuar me burg për posedim të heroinës dhe metadonit.
Në kuadër të operacionit “Five” është vënë në pranga shtetasi Elton Beqiraj, 46 vjeç, i cili është kapur pas shkëmbimit të informacioneve të Interpol Tiranës me homologët në Paris.
Beqiraj ishte shpallur në kërkim ndërkombëtar sepse në vitin 2021, Gjykata e Tiranës e ka denuar me 5 vjet burgim, për veprën penale “Prodhimi dhe shitja e narkotikëve”. Sipas Policisë, ky shtetas në vitin 2019 ka shitur 5 qese plastike me Heroinë dhe pilula Metadoni.
Autoritetet raportojnë se vijon bashkëpunimi ndërmjet Interpol Tiranës dhe Interpol Parisit për të finalizuar procedurën e ekstradimit të 46-vjeçarit në Shqipëri.
Discussion about this post