Një 31-vjeçar, i shpallur në kërkim, është arrestuar nga policia në Kurbin.
Në vitin 2018, Bajram Hirdi është dënuar me 5 vjet e 4 muaj burgim, për veprën penale “Kultivimi i bimëve narkotike”, kryer në formën e grupit të strukturuar kriminal. Nga dënimi, shtetasit i kanë mbetur për të vuajtur 1 vit e 4 muaj burgim.
Ndërkaq, gjatë vitit 2016, ai dhe pjesëtarë të tjerë të grupit kriminal, akuzohen se kanë kultivuar bimë narkotike, në fshatin Vinjoll dhe në zonat malore përreth.
“Si rezultat i kontrolleve të kryera në bazë të informacioneve të siguruara nga inteligjenca policore, specialistët e Seksionit për Hetimin e Narkotikëve të DVP Lezhë kapën në fshatin Vinjoll, Kurbin, dhe vunë në pranga shtetasin e shpallur në kërkim Bajram Hidri, 31 vjeç. Në vitin 2018, 31-vjeçari është dënuar me 5 vjet e 4 muaj burgim, për veprën penale “Kultivimi i bimëve narkotike”, kryer në formën e grupit të strukturuar kriminal. Nga dënimi, shtetasit i kanë mbetur për të vuajtur 1 vit e 4 muaj burgim. Gjatë vitit 2016, shtetasi Bajram Hidri dhe pjesëtarë të tjerë të grupit kriminal, kanë kultivuar bimë narkotike, në fshatin Vinjoll dhe në zonat malore përreth.”– njofton policia.
Discussion about this post