Sa më i njollosur dhe i damkosur të jesh, aq më lart ngjitesh. Ky është parimi kryesor që kupola politike e Tiranës zbaton në ushtrimin e pushtetit. Plator Mehmeti u emërua drejtor i OSHEE në Durrës në vitin 2018 pas një konkursi farsë partie. Mehmeti është dënuar me burg në vitin 2008 për tre akuza, shpërdorim detyre, shkelje të barazisë në tendera dhe falsifkikim dokumentesh.
Mehmeti u arrestua në vitin 2007 dhe më pas u dënua pasi në bashkëpunim me drejtues të tjerë të KESH-it në Durrës, gjatë viteve 2003-2006 i kanë shkaktuar shtetit 3 milionë euro dëm. Në vitin 2014, Mehmeti u emërua kryeinxhinier i CEZ-it në Durrës. Ai paraiqi një dëmshmi penaliteti sikur nuk ishte i dënuar. Prapaskena ka parë dosjen e prokurorisë nr. 861 dhe vendimin e gjyaktës për dënimin e Plator Mehmetit.
Në vitin 2015 u miratua ligji për dekriminalizimin e shtetit dhe të politikës. Shpërdorimi i detyrës (neni 148 i Kodit Penal), për të cilën është dënuar Mehmeti, përfshihet si kriter ndalues nga ligji i dekriminalizimit për t’u emëruar në një pozicion drejtues në një kompani që zotërohet plotësisht apo në mazhorancë nga shteti.
A e ka pasqyruar Plator Mehmeti dënimin në formularin e vetëdeklarimit në zbatim të ligjit të dekriminalizimit apo ka gënjyer si me dëshminë e penalitetit?
Cilët janë klientët që u jep tenderat me vlerë miliona euro në tavolinë dhe me fond oferta sa fondi limit?
A marrin tendera kompanitë ku më parë kreu i OSHEE Durrës ka qenë aksioner dhe që i ka kaluar në emrin e shokëve?/Prapaskena.com
Discussion about this post