Vdes pacienti me masë mjekësore “Shtrim i përkohshëm në një spital psikiatrik” ka humbur jetën sot në spitalin e Lezhës. Personi në fjalë ka nisur të ndihet keq në ambientet e përshtatura për këta persona në IEVP Shën Koll.
Viktima Besnik Spaho, i datëlindjes 14 shtator 1969, ishte dënuar në vitin 2015 me akuzën për vrasje për shkak të marrëdhënieve familjare mbetur në tentativë, neni 79/c-22 i Kodit Penal. Mjeku i gatshëm i IEVP ka njoftuar në orën 15.48 minuta se pacienti po ndihej keq. Në orën 16.05 i transportuar nga ambientet e institucionit, ka mbërritur në spitalin rajonal të Lezhës, ndërkohë që është shpallur i vdekur në orën 16.15.
Si shkak i vdekjes dyshohet arrest kardiak. Materialet i kaluan organeve të tjera për procedura të mëtejshme.
Discussion about this post