Një nga të burgosurit që ka përfituar nga skema e mashtrimit në burgun e Fierit është edhe Genis (Gentjan) Mëhillaj. Në dosjen hetimore, thuhet se në kartelën e Mëhillajt, është shënuar që ai ka dalë 52 ditë pune, ndërkohë që ai ka punuar vetëm 1 ditë. Teksa duhet që të kishte përfituar vetëm 0.15 ditë ulje dënimi, ai ka marrë 42.9 ditë ulje dënimi.
Në dosjen penale të dënuarit Genis (Gentjan) Mëhillaj, ka rezultuar se ; Për këtë të dënuar nga ana jonë janë verifikuar 286 ditë pune në IEVP Fier, të shënuara në kartelat e punës, për periudhën Janar, Shkurt, Mars, Prill, Maj, Qershor, Korrik, Gusht, Shtator, Tetorë, Nëntor 2020. Nga këqyrja në regjistrin e hyrje daljeve nr.112 prot datë 10.05.2019, i cili fillon me datën 20.09.2019 dhe përfundon me datë 23.11.2020 dhe rezulton se i dënuari Genis (Gentjan) Mëhillaj, ka dalë në punë 1 ditë e konvertuar në ulje dënimi 0.15 ditë konkretisht;
Për muajt Janar, Shkurt, Mars, Prill, Maj, Qershor, Korrik, Gusht, Shtator, Tetorë 2020 nuk ka dalë për punë dhe në kartelën e punës është e shënuar 26 ditë punë. Për muajin Nëntor 2020 ka dalë për punë me datë 23 dhe në kartelën e punës është e shënuar 26 ditë punë.
Referuar Urdhrit nr.2259, datë 18.03.2008 të Drejtorit të Përgjithshëm të Burgjeve “Mbi punësimin e të dënuarve në burgje dhe paraburgime”. Komisioni i Punësimit i burgosurve ka në përbërje shefat e sektorit ligjor, social, shëndetësisë dhe sigurisë, të cilët ndjekin në dinamikë frekuentimin e procesit të punësimit nga i burgosuri. Personat përgjegjës që nuk kanë verifikuar frekuentimin e punës nga të dënuarit janë Përgjegjësi i Sektorit të Burimeve Njerëzore Albi Rrezhda, Dorjan Nukaj, Përgjegjësi i Sektorit të Cështjeve Shoqërore, Eris Isufaj, Përgjegjësi i Sektorit Ligjorë Gerald Nonaj, Ervis Alliaj Shefi i Policisë Bashkim Meci, Fatos Lika, Mato Mataj Përgjegjësi i Sektorit Shëndetësore Arbëri Gjermeni, Enflor Hoxha, Përgjegjës i Sektorit të Financës, Florida Mata.
Personat përgjegjës të cilët kanë nënshkruar kartelat e punës janë, evidencieri, Gerald Nonaj dhe Miratuar nga Drejtori i IEVP Si rezultat i falsifikimit të ditëve të punës nga IEVP Fier në kundërshtim me kriteret e saj i dënuari ka përfituar rreth 42.9 ditë ulje dënimi, nga veprime haptazi të kundra ligjshme kur realisht duhej të përfitonte 0.15 ditë ulje dënimi nga puna.
Genis Mëhillaj është dënuar me 10 vjet burg nga gjykata e Krimeve të Rënda. Ai ishte pjesë e gjyqit të famshëm të “bandës së tritolit” i cili kishte si protagonist kryesor Julian Sinanajn. Ai është dënuar për akuzat “Vrasje me paramendim, për interes”, “Vepra me qëllime terroriste”, “Pjesëmarrje në grup të strukturuar kriminal”, “Kryerje e veprave nga grupi i strukturuar kriminal” si dhe “Sigurimi i kushteve për të kryer vrasjen”.
18 punonjës dhe ish-punonjës të Burgut të Fierit akuzohen për vepra të ndryshme penale të zbuluara gjatë një hetimi disa mujor, të nisur që nga muaji maj në bashkëpunim me Prokurorinë e Tiranës dhe SHKB-në e Burgjeve. Të ndaluarit mbajnë postet e përgjegjësve të një sërë sektorëve në burgje, si ai i shëndetësisë, ligjor, i kujdesit social apo burimeve njerëzore. Të gjithë, në bashkëpunim me njëri-tjetrin, ata akuzohen për vepra të ndryshme penale, kryesisht falsifikime në favor të uljes së dënimeve të të burgosurve, duke i liruar para kohës së caktuar për të vuajtur dënimin e tyre.
Shkeljet e gjetura: -19 raste vlerësime sjellje për ulje dënimi janë pasqyruar fakte dhe rrethana të rreme në lidhje me procesin e rehabilitimit e të dënuarve; -6 raste vlerësim sjellje për lirim me kusht janë pasqyruar fakte dhe rrethana të rreme në lidhje me procesin e rehabilitimit e të dënuarve; -28 të dënuarve ju janë dhënë ditë pune në mënyrë fiktive nga IEVP Fier, nëpërmjet falcifikimit të dokumenteve ose shpërdorimit të detyrës e kryer nga punonjës të IEVP Fier: -1 rast i të dënuarit që ka përfituar amnisti, për të cilën nuk ka asnjë dokument referues për dhënien e amnistisë.
Discussion about this post