Naser Baraliu, i arrestuari në rastin “Kumanova”, ka thënë se Maqedonia e Veriut ose të digjet ose do të bëhet siç thonë shqiptarët atje.
Kritika të ashpra Baraliu pati për deputetët shqiptarë atje ku tha se kurrë bashkë nuk bëhen.
“33 deputetë këtu kurrë bashkë nuk bëhen, në shtetin që është i formuar në territor të huaj dhe funksionon si i tillë. Ja tash duhet me i bo këto punë, ja kurrë hiç. Ky vend ja do të bëhet qysh themi ne shqiptarët, ja do të kallet krejt”, është shprehur Baraliu.
Ai gjithashtu kritika pati edhe për deputeten e PDK-së në Kuvendin e Kosovës, Blerta Deliun.
“Sipas tyre (gjykatave në Maqedoni) unë nga burgu do të dal horizontalisht. Unë jam dënuar me burgim të përjetshëm. Por, unë nuk mërzitem çka thonë popujt që i rrethojnë trojet tona sepse për ta edhe gjyshja ime 92 vjeç është terroriste. Asnjë shqiptar s’guxon me thanë këtë fjalë (terrorist), e aq më pak Blerta Deliu, aq shumë kam respekt për familjen e Blertës, për Blertën dhe për Drenicën, Blerta me thanë këtë fjalë është keq. Ndoshta e ka thënë në afekt, por është gabim në hapa, s’ka nevojë këtë me thanë” – shtoi Baraliu.
Ndërsa i dënuari tjetër në rastin “Kumanova”, Enver Hoxha-Klein ka thënë se Prishtina dhe Tirana janë për keqardhje kur vije puna tek mbështetja për të burgosurit e rastit “Kumanova”.
Në pyetjen se kur pritet të dalë nga burgu, Hoxha Klein tha se vetëm një zot e di pasi është dënuar me 40 vjet burgim. Tirana dhe Prishtina lënë shumë për të dëshiruar për mbështetjen e dhene .
“Një zot e di. Presim një angazhim nga shteti shqiptar, Tirana dhe Prishtina. Deri tash asgjë nuk ka ndodhur. Kemi mbetur në mjegull. Jemi pengje politike. Jam dënuar me 40 vjet”, ka thënë Hoxha Klein.
Në pyetjen se a kanë bërë ndonjë gjë Kosova dhe Shqipëria për t’i ndihmuar të burgosurit në çfarëdo forme, Hoxha Klein u përgjigj me pesimizëm. “Asgjë, asgjë, (janë) për keqardhje”, shtoi ai.
Discussion about this post