Siar Konti nga Vlora është lënë në burg, pasi dyshohet se ai ka qenë personi që i ka vënë zjarrin Ferrarit të Noizyt.
Automjeti tip “Ferrarri” në pronësi të babait të këngëtarit Rigels Rajku, i njohur me emrin e artit Noizy, është djegur një javë më pare, e dyshohet se djegia e mjetit është bërë me porosi të personazhit tjetër të muzikës rep, të njohur si “Clevio”.
Ngjarja ka ndodhur më 6 gusht 2023 në Durrës, ndërsa policia thotë se shkak janë konfliktet e hershme të Noizyt me Kleviol Ahmetin, personazh i njohur në muzikën rep dhe në median sociale edhe si “Clevio”. Më 11 gusht 2023, policia njoftoi arrestimin e shtetasit Siar Konti, nga Vlora, si autor i zjarrvënies në automjetin luksoz të markës Ferrari, me të cilin Noizy është shfaqur disa herë në rrjetet sociale dhe në klipet e tij muzikore.
Pasi u përball me provat e gjetura nga hetuesit dhe pamjet filmike, sipas policisë, i arrestuari nga Vlora ka pranuar zjarrvënien në automjetin e Noizyt, i cili në dokumentacion, rezulton në pronësi të babait të këngëtarit, Bashkim Rajku.
Gjatë dëshmisë në policinë e Durrësit, mësohet se Siar Konti, ka deklaruar se është paguar 6 mijë euro nga këngëtari “Clevio” për djegien e automjetit të Noizyt.
I arrestuari ka treguar se ka marrë për ndihmë një të njohurin e tij 17 vjeç nga Vlora, dhe i ka vënë flakën makinës pasi ka hedhur benzinë në pjesën e parme të saj. Automjeti ka qenë i parkuar pranë lokalit të Noizyt në zonën e Currilave në Durrës në datën 6 gusht rreth orës 05:10, kur i është vendosur flaka.
Ngjarja u evidentua si e qëllimshme që në momentet e para ndërsa hetimet e policisë evidentuan si autor Siar Kontin, i cili ishte fiskuar edhe nga kamerat e sigurisë. Përplasja me Clevion, përveç mesazheve drejtuar njëri tjetrit në klipet muzikore dhe rrjetet sociale u bë shkak për padi në polici nga Noizy dhe babai i tij.
Për shkak të kallëzimit, në prill të këtij viti Kleviol Ahmeti u ndalua në Rinas, por më pas u la i lirë dhe mësohet se është larguar jashtë vendit. Bizneset dhe pronat e këngëtarit Rigels Rajku në Durrës janë sulmuar disa herë me zjarr.
Në qershor policia arrestoi 26-vjeçarin Eraldo Musteqja për zjarrvënie të përsëritur ndaj lokalit të Noizyt. Reperi tregoi një foto me autorin, i cili është i afërm i tij dhe sqaroi se ky veprim është kryer nga Eraldo pasi ai fundit beson se muzika dhe lokalet e natës janë haram.
Reagimi i Kleviol Ahmetit
Një reagim i papritur ka ardhur nga Kleviol Ahmetaj, i cili dyshohet se fshihet pas djegies së ‘Ferrarit’ të Noizy-t.
Pas dëshmisë së autorit Siar Konti, i cili pranoi në polici se ishte paguar nga reperi, për t’i vënë flakën makinës luksoze, KleviolAhmetaj ka publikuar lajmin që po qarkullon nëpër media ku thuhet se një vlonjat ishte paguar 2000 euro nga Cllevio për të djegur makinën “Ferrari” 300 mijë euro Noizy-t.
Bashkëngjitur lajmeve, reperi ka shkruar edhe fragmentin e një kënge, e cila njihet si një dedikim kundër Noizy-t.
“Kakama të Vlorës përgjohemi nga SHIK-u. Gango me dosje disfata pata, m;preu në besë mbreti me shapka”, ka shkruar Cllevio.
Discussion about this post