Ish-Presidenti Ilir Meta ka dalë konferencë për shtyp. Konferenca vjen pas letrës së Autoritetit të Dosjeve drejtuar Kuvendit se një zyrtar i lartë I.M rezulton bashkëpunëtori i ish-Sigurimit të Shtetit. Në fjalën e tij Meta ka thënë se nuk i shmanget përgjegjësisë, pro akuzon Autoritetin e Dosjeve se po manipulon e kriminalizon dosjet. Sipas tij këto lajme dhe të dhëna që po manipulohen po shkatërrojnë besimin e popullit.
“Tani, po si mund t’i shmangem unë një përgjigje pavarësisht se nuk ka shqiptar që nuk e kupton se me këtë akt vetvrasës, sepse AD është autoritet moral para se të jetë ligjor, personat që janë prekur në mënyrë të vullnetshme dhe kërkojnë ti shpëtojnë filtrit dhe përbëjnë rrezik për shoqërinë dhe njëkohësisht të ngushëllosh viktimat e asaj periudhe që kishin pasojat nga Sigurimi i Shtetit. Pse bëhet kjo? Çfarë i kushtonte Autoritetet që qenka shqetësuar, që të thërriste I.M. nëse ish ky këtu, që është Ilir Rexhep Metaj. Nuk jam as president, as deputet, dhe për se u dashka bërë me urgjencë një ligj i posaçëm për këtë I.M. që ata ta verifikojnë? Kush e ka ndaluar këtë autoritet t’i bëjë publike se sa I.M. kanë qenë në Fakultetin e Ekonomisë. Në atë kohë kam qenë Sekretar i Rinisë së Fakultetit të Ekonomisë. U zgjodha se i kisha thuajse të gjitha dhjeta por edhe se kisha aftësi lideri që atëherë. Unë njoh nja 50 Ilir Metaj. Në klasë kemi qenë dy Ilir Metaj. Ai ishte njeri korrekt dhe jam i sigurt që s’ka qenë. Autoriteti ka një përgjegjësi të madhe, se për nevoja të Ramës, shkatërron besimin e tij në publik.” u shpreh ai. Ndërsa u shpreh se për 30 vite ka dhënë kontribute vetëm në politikën shqiptare për popullin dhe i siguron shqiptarët që do vazhdojë të jetë për këtë qëllim.
Discussion about this post