Gjykata e Tiranës ka dhënë masën e arrestit me burg për Ajas Sulejmanin, që ditën e diel përplasi me makinë një çift bashkëshortësh dhe foshnjen e tyre 3 muajsh, ngjarje e ndodhur ditën e dielë.
Dy ditë më parë, fëmija 3 muajshe që i shpëtoi mrekullisht aksidentit, doli nga spitali kurse bashkëshortët ende nuk e kanë kaluar rrezikun për jetën. Ata janë në një fazë që kanë nevojë për oksigjen, për shkak të dëmtimeve në mushkëri.
Autori i këtij aksidenti të rëndë, Ajas Sulejmani ishte nën efektin e drogës në momentin që ka përplasur çiftin me foshnjën 3 muajshe.
Edhe pse i shoqëruar 8 herë në komisariat, trafikanti i drogës u la i lirë nga policia e shtetit dhe ai vazhdoi aventurat me manovrat e shpejtësisë në rrugët e kryeqytetit.
Aksidenti ka tronditur të gjithë qytetarët pasi, dy prindërit e foshnjës 3 muajshe ndodhen në spital, ndërsa foshnja shpëtoi mrekullisht pas veprimit heroik që bëri nëna, duke e shtyrë me shpejtësi karrocën e fëmijës.
Discussion about this post