Ilir Meta u pyet sot nga gazetarët nëse do të jetë i gatshëm të deklaroj para organeve se nga kush i ka marrë SMS nga New Yourk që përmendi pak ditë më parë, duke qenë se AIDSSH ka treguar se do të bëjë padi për këtë çështje. Më bindje kreu i Partisë së Lirisë ka deklaruar se është i gatshëm të dëshmojë për çdo çështje, ndërsa theksoi se bënë këtë pa frikë sepse është i pastër. Më tutje ai tha se PL do të zbardh çdo gjë me transparencë dhe më pas Autoriteti i Dosjeve nuk do mundet t’i shpëtojë SPAK-ut.
“Unë kam të qartë çdo gjë, jam 10 hapa para të gjithëve. Përpjekja e tyre karagjozëve për shkak se kanë karaktere të pështira. Ne do të jemi duke dokumentuar vjedhjet e tyre. Nuk ka prokurori e SPAK që ta shpëtojë Autoritetin nga kjo. Familja ime është mësuar nga këto, banda që ka bërë Griseldën…. Do mbajnë përgjegjësi ligjore dhe është ngritur grup pune, jam 1 milionë për qind i pastër. Nuk ka më opozitë që e shet ndeshjen 5 vjet para, tani ka opozitë të vërtetë. Është opozita e vërtetë dhe ata do mbajnë përgjegjësi për gjithë këto vjedhje që i kanë bërë Shqipërisë, por edhe për këto manipulime që bëjnë për të vazhduar sistemin e vjedhjes së popullit shqiptar”, tha ai.
Discussion about this post