I gjetën medikamente kontrabandë, ndalohet autobusi i linjës Prishtinë-Tiranë

Policia e Kosovës ka bllokuar mbrëmjen e djeshme në pikë-kalimin kufitar të Vërmicës një autobus i cili po kontrabandonte medikamente.

Në Vërmicë, njësitet antikontrabandë të Doganës së Kosovës kanë selektuar për kontroll në vijën e dytë një autobus të linjës Tiranë – Prishtinë me dyshimin se barte mallrat të kontrbanduara.

Kontrolli ka arritur të zbulojë mallrat e fshehura të cilat tentoni të kontrabandohen përmes autobusit ku janë gjetur mallra të padeklaruar, respektivisht medikamente si në vijim:

• Injeksione REVOLAX DEEP With LIDOCAINE – 60 copë
• REVOLAX SUB-Q LIDOCAINE – 60 copë
• REVOLAX FINE LIDOCAINE – 5 copë
• Tableta Desinfektues të Klorit “Diversy Suma” 1×300 – 16 pako
• Xhama me dioptri të ndryshëm

Të gjitha mallrat janë sekuestruar si dhe ka filluar procedura e hetimit.