Një hetues privat i punësuar nga Wanda Nara zbuloi lidhjen e Mauro Icardi me Eugenia Suarez, kështu që ajo do të divorcohet nga ish-kapiteni i Interit, të paktën kështu raportojnë mediat në Argjentinë.
Wanda Nara akuzoi Icardin për tradhti dhe megjithëse ata u takuan në Milano, ‘LAM’ raporton se çifti do të divorcohen pasi Wanda zbuloi një lidhje mes burrit të saj dhe aktores argjentinase Eugenia Suarez.
Wanda mësohet se punësoi një hetues privat për të ndjekur Icardin, madje i hakoi telefonin e sulmuesit, duke zbuluar disa biseda aktoren. Në njërin prej mesazheve, Suarez i kërkoi Icardit të takohej në një vend ku askush nuk do ta njihte.
Pavarësisht bashkimit në apartamentin e tyre në Milano, Wanda dhe Icardi ka të ngjarë të ndahen dhe kjo do të kishte pasoja edhe në jetën profesionale të sulmuesit. Wanda, në fakt, është agjenti i Icardi.
Ish -kapiteni i Interit është lidhur me një rikthim në Serie A me Juventusin dhe Milanin. Kontrata e tij në Parc des Princes përfundon në 2023 dhe kjo do të ndikonte drejtë për drejtë në të ardhmen e tij.
Icardi humbi seancat stërvitore të Paris Saint-Germain gjatë ditëve të fundit. Trajneri i PSG, Mauricio Pochettino, megjithatë, zbuloi se sulmuesi argjentinas është në dispozicion për t’u përballur me RB Leipzig./K.T/Gijotina.com
