Një projekt i pagëzuar si “Lëkurësi” që parashikon ndërtimin e hoteleve turistike dhe vilave rezidenciale mori statusin e investimit strategjik në nëntor të vitit të shkuar.
Në të njëjtën mbledhje Komiteti i Investimeve Strategjike miratoi statusin edhe për një Zonë Teknologjike dhe të Zhvillimit Ekonomik (TEDA) në Xhafzotaj si dhe shtyu afatin e statusit për një tjetër subjekt që po ndërton mes Palasës dhe Drimadhesit.
Projekti “Lëkurës” i cili ka për aplikant subjektet TDT & Partners sh.p.k dhe TECHNO-ALB sh.p.k, në pronësi të vëllezërve Dajlan Avdia dhe Glendi Abdi, parashikon realizimin e një kompleksi të madh turistik, i cili shtrihej ZK 8642, në një gjurmë me sipërfaqe prej 67,9 ha në zonën e Lëkursit, Bashkia Sarandë. Projekti parashikonte realizimin e zonave të hotelerisë, zonave rezidenciale dhe shërbimeve të ndryshme.
Subjektet kanë ndarë projektin me faza dhe për fazën e parë projekti është pajisur me Leje Zhvillimi me vendimin e KKT nr. 23 datë 09.07.2024, “Resort multifunksional, banim hotel dhe shërbime”, faza 1, me vendndodhje në zonën e Lëkursit, Bashkia Sarandë, me subjekt zhvillues shoqërinë “TDT & Partners” sh.p.k, dhe me Leje Ndërtimi me vendimin e KKT nr. 05, datë 04.10.2024, “Resort multifunksional, banim hotel dhe shërbime” faza VENDINR. _, DATË_._.2016 “Resort multifunksional, banim hotel dhe shërbime” faza 1, me vendndodhje në zonën e Lëkursit, Bashkia Sarandë, me subjekt zhvillues shoqërinë “TDT & Partners” sh.p.k.
Faza e Parë e projektit parashikon ndërtimin dy hoteleve me 5*, një zone rezidenciale dhe një zone komerciale me sipërfaqe totale prej 15, 1 ha. Projekti në pjesën më të madhe të tij përfshin komponentë që i përkasin sektorit së turizmit, si hotel, vilat në funksion të hotelit, ambiente shërbimi, bare e restorante, si dhe shërbime të tjera relaksi e rekreacioni”, thuhet në vendim
Vlera e investimit për projektin e plotë të propozuar parashikohet të jetë 447.1 milionë Euro. Për fazën e parë të projektit subjektet kanë vendosur në dispozicion dokumentacionin e marrëveshjes me pronarët për zhvillimin e projektit në një truall privat me sipërfaqe 15.1 ha.
Pra ky është një tjetër rast ku pronat në breg det iu jepen biznesmenëve të përfshirë ose të përfolur në botën e krimit.
Edhe emri i vëllezërve Avdia nuk është fare i pa dëgjuar. Më 30 gusht 2024, kryetari i Partisë Demokratike, Sali Berisha, iu rikthye dosjes “Toyota Yaris”, një episod ku, në Portin e Durrësit, u kapën 3.2 milionë euro në dy automjete që vinin nga Belgjika.
Për atë rast, është arrestuar ish-kryeprokurori i Vlorës, Aurel Zarka dhe janë shpallur në kërkim tre të tjerë me urdhër të SPAK-ut.
Berisha duket se ka siguruar të dhëna nga dosja, e cila, me vendim të Gjykatës së Posaçme, nuk është lejuar të bëhet publike. Dhe nga ajo dosje ai nxjerrë detaje ku thotë se familja Avdia ishin pjesë e klanit të Toyota Yaris.
, “…Paratë e klanit të rrezikshëm Toyota Yaris kanë patur si destinacion edhe pronarin e kullës pas sahatit me mbiemër Abdia. Ky ndërtues i lidhur si mishi me thoin me Erion Veliajn është një nga pritësit të klanit të narko-eurove, sipas regjistrimeve të klanit Toyota Yaris, të cilat janë fshehur nga Prokuroria e krimit dhe gjykatësja kriminale…”, shkruante Berisha në Facebook.
Në deklaratën e tij, Berisha duket se i referohet kullës “Book Building”, e cila ka marrë leje në Shkurt 2018 nga Këshilli i Rregullimit të Territorit, një strukturë e drejtuar nga kryeministri Edi Rama.
Leja është miratuar për shoqërinë “TDT & Partners”, me ortakë Glendi Abdi dhe Dajlan Avdia, mbiemra të përmendur nga Berisha. Dhe ja pas 3 vitesh ata bëhen investitor strategjikë në një zonë tjetër kaq të rëndësishme, ku do të hedhin sërish para për ndërtime. Dihet tashmë që sektori i ndërtimit është kthyer në një lavatriçe parash të pista për biznesmenët dhe politikanë të përfshirë në botën e krimit.
Discussion about this post