Në 32 vite demokraci, Partizani e ka ndërruar rreth 50 herë trajnerin, teksa shumica e tyre kanë qenë shqiptarë. Gjithsesi, nuk kanë munguar të huajt. I pari ka qenë një bullgar, Nikolaj Abakarov, teksa më pas nisi trendi i italianëve. Duke filluar nga Tiziano Gori që erdhi në 2002-shin, më pas Andrea Agostineli (qëndroi 6 muaj në 2016-ën), Adolfo Sormani (rezistoi 4 muaj në 2016-ën dhe u kthye në janar 2020 ku qëndroi deri në korrik) dhe Mark Iuliano (5 muaj në 2017-ën). Pas tyre erdhi portugezi Marcio Sampaio, që qëndroi 4 muaj në 2014-ën.
Në vitin 2019 te “demat” ishte Franko Lerda, që qëndroi vetëm gjashtë muaj. Shumë emra, por pak sukses. Trajneri aktual, Xhovani Kolela, ka misionin për të ndryshuar gjithë këtë ecuri të të huajve dhe deri më tani ia ka dalë me sukses. Megjithatë, rruga përpara është shumë e gjatë.
Discussion about this post