Më shumë se 1 milion refugjatë kanë kaluar kufirin nga Ukraina në Poloni që nga fillimi i pushtimit rus në datën 24 shkurt, informacion ky i bërë me dije nga rojet kufitare polake.
“Sot në orën 20:00 (1900 GMT) numri i njerëzve nga Ukraina në Poloni e kaloi një milion. Kjo është një milion tragjedi njerëzore,” raportoi shërbimi i rojes kufitare në Twitter.
Më shumë se 1.5 milionë njerëz janë larguar nga Ukraina në vetëm 10 ditë, sipas agjencisë së OKB-së për refugjatët.
Filippo Grandi, komisioneri i lartë i agjencisë, e ka quajtur atë krizën më të shpejtë të rritjes së refugjatëve në Evropë që nga Lufta e Dytë Botërore.
Harta më poshtë e mundësuar nga burime për BBC, bazuar në shifrat e OKB-së deri sot tregon se ku po shkojnë refugjatët.
Discussion about this post