Nikollë Sherrniku është 28-vjeçari i dyshuar i implikuar në ngjarjen e Don Boskos, të ndodhur gjatë këtij viti. Sherrniku është një emër i njohur për policinë. Ai është arrestuar për armëmbajtje pa leje, ndërsa ka qenë i dyshuar për ekzekutimin e policit Xhulio Prela.
Nikolla Sherrniku dhe Flutura Berisha u prangos më parë në Kunë të Lezhës. Sherrniku, kishte në dorë një armë tip kallashnikov me plumb gati për qitje, ndërsa Berisha do të luante rolin e shoferes dhe në çantën e saj u gjetën dy radio policie dhe krehrat e kallashnikovit të mbushur.
Po ashtu është bërë me dije se mbrapa në makinë ndodhej dhe një i mitur rreth moshës 15-vjeçare.
Nikolla Sherrniku ka qenë i akuzuar për vrasjen e efektivit Xhulio Prela, kjo pasi në servisin e tij është sjellë disa herë me radhë makina nga e cila u ekzekutua efektivi.
Sipas Policisë, bazuar në hetimet e deritanishme lindin dyshime se lëvizja e Nikoll Sherrnikut dhe Flutura Berishës me automjetin e blinduar, në role të ndryshme, ishte për të realizuar një ngjarje kriminale.
Nikoll Sherrniku ishte nën masën e sigurisë “arrest shtëpie” në lidhje me implikimin e tij në ngjarjen e ndodhur në dhjetor 2021, ku mbeti i vrarë me armë zjarri ish-punonjësi i Policisë, shtetasi Xhuliano Prela.
Policia ka sekuestruar në cilësinë e provës materiale 1 automatik, 2 krehëra me fishekë në to, 2 radio marrëse – dhënëse si të Policisë, si dhe automjeti i blinduar me të cilin lëviznin këta shtetas.
Discussion about this post