Jude Bellingham (Stourbridge, Angli, 29 qershor 2003) është një lojtar i ri i Real Madridit. Borussia Dortmund e ka zyrtarizuar transferimin për një shumë prej rreth 100 milionë euro, krahas disa bonuseve për skuadrën gjermane në bazë të objektivave.
Një nga blerjet më të shtrenjta në historinë e Real Madridit për të marrë përsipër xhevahirin e madh të futbollit europian. Anglezi nënshkruan për gjashtë sezone.
Siç raporton MARCA, nënshkrimi i Bellingham përfundoi të hënën, më 5 qershor, në zyrat e Stellar Group në Londër.
Agjencia e përfaqësimit në pronësi të Jonathan Barnett ka qenë ajo që i ka dhënë shtytjen e fundit një operacioni që Real Madridi e ka ‘gatuar’ me lojtarin si dhe babain e tij, Mark Bellingham, duke fituar betejën kundër Manchester Cityt dhe Liverpool-it, të cilët në maj i hoqën dorë pasi lojtari i falënderoi për interesimin e tyre, por u tha atyre se do të shkonte në Madrid. Të hënën e kaluar, Jonathan Perelman kopsiti detajet e kontratës me lojtarin, ndërsa Madridi shkëmbeu dokumentet me Dortmundin për të mbyllur transferimin.
Bellingham mbërrin te Real Madrid për të përforcuar mesfushën, një pozicion falë të cilit Madridi ka dominuar Evropën me dorë të hekurt në dekadën e fundit dhe në të cilin pak nga pak po bëhet një tranzicion.
Casemiro, Kroos dhe Modric shënuan një epokë ndërsa Camavinga, Valverde, Tchoauméni dhe tani Bellingham janë ata që janë zgjedhur për të marrë në dorë “pronësinë e trekëndëshit e Bermudës”. Në këtë sezon, Kroos dhe Modric do të vazhdojnë të luajnë një rol themelor, por me të rinjtë duke shtuar peshë në skuadër./MARCA
Discussion about this post