Manchester City duket si destinacioni i vetëm i mundshëm për transferimin e Cristiano Ronaldos, por mediat në Francë raportojnë që sulmuesi i Juventusit ende ka një mundësi për t’u bashkuar me Paris Saint-Germain.
Kontrata e yllit portugez me Juventus skadon në qershor 2022, por ai shpreson të largohet nga ‘Bardhezinjtë’ para skadimit të marrëveshjes.
Agjenti i tij Jorge Mendes i ka ofruar yllit portugez klubeve më të mira në Evropë, por pa gjetur pretendues të gatshëm për të paguar pagën e tij prej 31 milionë eurosh në vit.
Sipas ‘Il Corriere dello Sport’, Mendes tani është ‘nën presion’ pasi Ronaldo dëshiron të largohet nga Juventusi, por përfaqësuesi i tij nuk ka gjetur ende një klub të ri për sulmuesin dhe po i mbaron koha.
Ndërsa ka mbetur vetëm një javë para përfundimit të merkatos së verës, Ronaldos i kanë mbetur pak opsione.
PSG që shihej si pretendenti kryesor për blerjen e portugezit duket se nuk është më në garë për të nënshkruar me Ronaldon pasi mirëpriti Leo Messin.
Megjithatë emra të mëdha të mediave sportive si ‘Il Corriere dello Sport’, ‘Tuttosport’ dhe ‘RMC’ në këmbëngulin se Ronaldo ende mund të bashkohet me PSG në javën e fundit të dritares së transferimit të verës, me kusht që Kylian Mbappe të transferohet te Real Madrid.
Ylli francez thuhet se ka informuar PSG -në se nuk dëshiron të nënshkruajë një zgjatje të kontratës dhe është gati të transferohet në Madrid si lojtar i lirë në një vit nëse parisienët nuk pranojnë ta shesin.
Megjithatë sipas ‘Sky Sport Italia’ Ronaldo nuk e ka informuar Juventusin se dëshiron të largohet dhe ‘Zonja e Vjetër’ nuk ka marrë ndonjë ofertë zyrtare për ish -yllin e Real Madrid dhe Manchester United./Gijotina.com
