Kukësi është një nga qytetet që po përballet me temperatura shumë të ulta dhe ngrica. Moti i ftohtë dhe me temperatura në 0, po ndikon edhe në qarkullimin e akseve rrugore në zonat që përfshinë Kukësi. Në lidhje me situatën atje ka folur kreu i Bashkisë Kukës, Safet Gjici, i cili thotë gjatë një interviste televizive se me gjithë uljen e temperaturave, kryesisht akset rrugore janë të qarkullueshme. Gjici, numëron disa zona më të thella të cilat rëndom paraqesin vështirësi përgjatë uljes së temperaturave dhe reshjeve të dëborës.
“Kemi disa fshatra shumë të thella natyrisht që borëpastrueset janë në terren dhe po bëjnë të mundur hapjen e fshatrave dhe kryesisht ato të njësive administrative Zall-Hot, Shishtavec, Grukqarej, etj, por në përgjithësi të gjitha njësitë administrative janë tashmë më rrugë të hapura, dhe lëviz qarkullimi normalisht”, tha ai. Ndërsa shtoi se, ato zona ku ka dëborë, përdorin zinxhir, pasi janë të rrezikshme dhe bëhen shkak për aksidente.
Discussion about this post