Një automjet luksoz tip “Benz”, prodhim i viteve të fundit, është sekuestruar në Fier pasi nga verifikimet e policisë rezultoi i shpallur në kërkim nga Interpol Manchester.
Automjeti u ndalua për verifikim nga Seksioni për Hetimin e Trafiqeve në DVP Fier, në kuadër të operacionit për kontrollin e burimit të të ardhurave për blerjen e automjeteve luksoze.
Pas verifikimeve, policia konstatoi se “Benzi” ishte i shpallur në kërkim nga Interpol Manchester dhe e sekuestroi.
Për këtë rast u morr nën hetim në gjendje të lirë një 26 vjeçar, banues në Mallakastër, për veprën penale “Trafikimi i mjeteve motorike”.
Njoftimi i plotë i Policisë së Fierit
“Seksioni për Hetimin e Trafiqeve në DVP Fier, në kuadër të operacionit për verifikimin e burimit të të ardhurave për blerjen e automjeteve luksoze, ndaloi për verifikim një automjet tip “Benz”.
Gjatë verifikimeve, automjeti, prodhim i viteve të fundit, rezultoi i shpallur në kërkim nga Interpol Manchester.
Për këtë rast u procedua në gjendje të lirë shtetasi E. D., 26 vjeç, banues në Mallakastër, për veprën penale “Trafikimi i mjeteve motorike”.
Vijojnë operacionet për goditjen e veprimtarive kriminale dhe evidentimin e rasteve të armëmbajtjes pa leje dhe trafikimit të mjeteve motorike.
Materialet procedurale iu referuan Prokurorisë së Fierit, për veprime të mëtejshme”.
Discussion about this post